Sa Akon Pagpauli

Sa akon nga pagtadag sa sining kalibutan
akon nasaksihan tanan nga pagtangis
walay katapusan samtang naga biti
ang dalit sa panit nga puno sang gisi.

Sa diin bala makit-an ining kalipayan
sa sining kalibutan nga puno sang kabudlayan?
Walay padulungan sa kada pagsikway
kun sa akon pagtikang may balakid nga gabantay.

Ini ayhan ang sabat sa tanang pangamuyo?
O wala ko lang gid makit-an ang akon ginatuyo?
Ayhan may adlaw pa nga magabutlak sa silangan
subong nga akon nabal-an, indi na ko madugayan.

Abyan, ayhan sa diin ka sang ako nagahibi
sa kasakit nga nabatyagan samtang gakabuhi?
apang ako nagapasalamat sa imong pag-ulikid
sa akon mga nabayaan samtang ako magapauli.